Ամերիկյան Chrysler Group ավտոկոնցեռնը ետ է կանչում Chrysler 300 և Dodge Charger մակնիշի 119 հազար ավտոմեքենա, որոնք վաճառվել են ԱՄՆ տարածքում: Ինչպես հաղորդում է CNN-ը, ընկերության փոխանցմամբ` ետ կանչելու պատճառը հակաշրջափակիչ արգելակային համակարգի և կայունության էլեկտրոնային համակարգի հետ կապված խնդիրներն են, որոնք կարող են վթարային իրավիճակների հանգեցնել:
Հաղորդվում է, որ սկզբնապես խնդիրը հայտնաբերվել է ոստիկանների համար հատուկ սարքավորումներով հագեցած մեքենաների շահագործման ընթացքում, այնուհետև այդ ցուցակն ընդլայնվել է:
Ընկերությունում նշել են, որ այդ խնդիրը դեռ չի հանգեցրել վթարների:
