Նախկին վարչապետ Յուլիա Տիմոշենկոն շարունակում է հացադուլն արդեն 19 օր: Հացադուլն ավարտելու մասին խոսք չի գնում: Այս մասին հայտարարել է բանտարկյալի դատապաշտպան Ալեքսանդր Պլախոտնյուկը:
Տիմոշենկոն ապրիլի 20-ին հացադուլ է հայտարարել՝ ի նշան իր նկատմամբ բռնության կիրառման: Նախկին վարչապետը հայտարարել է, որ իրեն ծեծել են գաղութի աշխատակիցները հիվանդանոց տանելու ժամանակ: Սակայն դատախազությունը քրեական գործ չի հարուցել, քանզի գտնում է, որ բանտարկյալն ինքը կարող էր իրեն վնասել:
Միջազգային հանրությունն իր մտահոգությունն է հայտնել ստեղծված իրավիճակի հետ:
«Նա կշարունակի հացադուլը 19-րդ օրը: Հացադուլի ավարտի մասին խոսք անգամ չի գնում»,- հայտարարել է դատապաշտպանը:
Նա հերքել է այն լուրերը, որ Տիմոշենկոն հյութեր և սննդի լուծույթներ է օգտագործում:
«Դա ճիշտ չէ, միակ բանը, որ նա օգտագործում է` ջուրն է»,- ընդգծել է նա:
Պլախոտնյուկը կարդացել է Տիմոշենկոյի հայտարարությունը, որտեղ նա շնորհակալություն է հայտնել եվրոպական երկրների առաջնորդներին, ինչպես նաև իր կողմնակիցներին:
