Эхо Москвы ռադիոկայանի գլխավոր խմբագիր Ալեքսեյ Վենեդիկտովն այսօր առավոտյան` մայիսի 7-ին, հայտարարել է, որ echo.msk.ru ինտերնետ կայքը, հնարավոր է, դարձյալ ենթարկվում է ցանցահենների հարձակմանը:
«Эхо Москвы-ի կայքը բացվում է, սակայն դանդաղ, մենք հարձակման ենք ենթարկվում»,- գրել է Վենեդիկտովը Twitter-ում:
Հիշեցնենք, որ Эхо Москвы ռադիոկայանը, Дождь հեռուստաալիքը և slon.ru կայքը կիրակի օրը հայտարարել են, որ իրենց կայքերը ենթարկվել էին DdoS հարձակման:
Կիրակի օգտատերերի համար անհասանելի էր նաև «Կոմերսանտ» թերթի կայքը, որը վերջին մի քանի տարում ենթարկվել էր DDoS-ի ամենաուժեղ հարձակմանը:
2008 թ. մարտին DDoS-հարձակման հետևանքով կայքը մի քանի օր անհասաhելի էր: Նախօրեին ցանցահենների հարձակմանն էին ենթարկվել նաև կառավարական մի քանի կայքեր: Այսպես` ՌԴ կառավարության և Վլադիմիր Պուտինի կայքերը չէին աշխատում շուրջ կես ժամ:
