Բժիշկները հերքել են Վլադիմիր Լենինի` սիֆիլիսից մահանալու մասին թեորիան: Ամերիկացի փորձագետների կարծիքով` նրա մահվան պատճառ կարող էր դառնալ վատ ժառանգականությունը:
Այսպիսի եզրակացություն են եկել գիտնականները համաշխարհային պրոլետարիատի առաջնորդի մարմնի դիահերձման արդյունքների անալիզների ու նրա հոր մահվան պատճառների ուսումնասիրությա հիման վրա: Պարզվել է, որ Լենինը տառապել է գլխուղեղի զարկերակների կարծրացումից, որը Ուլյանով ավագի մահվան հիմնական պատճառն է եղել: Այդ հիվանդությունը կարող էր դառնալ ինսուլտի առաջացման պատճառ:
Ընդ որում` ռուս պատմաբան Լև Լուրյեն կարծում է, որ Ստալինը կարող էր արագացնել առաջնորդի մահը` նրան թունավորելով: Դա եղել է ժողովուրդների հոր` թշնամիների հետ հաշվեհարդար տեսնելու ամենասիրած եղանակը: «Հետաքրքիր է, որ Լենինի ուղեղը դեռ գտնվում է Մոսկվայում, այդ իսկ պատճառով մենք կարող ենք այն հետազոտել»,- ասել է Լուրյեն:
1921 թ. Լենինի առողջական վիճակը կտրուկ վատացել էր, սկսել էին հաճախանալ ինսուլտները, որոնք զուգակցվում էին առողջացման գործընթացի հետ: Ավելի ուշ պարալիզացվել էին նրա աջ վերջույթները, կորչում էր խոսքը, փոխվում կամ անհետանում էր գրելու կարողությունը, գլխուղեղի անոթների սպազմը հարուցում էր սուր գլխացավեր: 1924 թ. հունվարին նա առողջանում էր:
Նեյրոլոգ Հարի Վինտերսը նկատել է, որ մահից մի քանի ժամ առաջ Լենինն ակտիվ է եղել ու կաորղացել է խոսել: Այս մասին գրում է Утро-ն:
Նրա մահվան պաշտոնական պատճառ է նշվում դիֆուզային աթերոսկլերոզը՝ գլխուղեղի անոթների ախտահարմամբ: Սակայն դրա տակ ստորագրել էին Կրեմլի 27 բժիշկներից միայն 8-ը:
Բժիշկ Վլադիմիր Լերները, հենվելով Լենինին բուժող բժիշներից մեկի որդու ասածի վրա, պնդում է, որ Լենինի դիահերձման ժամանակ տրվել է նրա մահվան պատճառների 8 եզրակացություն: Դրանցից մեկի համաձայն` նա մահացել է սիֆիլիսից:
