Մոսկվայում ընդդիմությունն այսօր անցկացնում է «Միլիոնների երթ» ակցիան:
Ռուսաստանի տարբեր շրջաններից ակտիվիստները հայտարարել են, որ իշխանությունները խոչընդոտում են իրենց մայրաքաղաք մուտք գործելուն` երթին մասնակցելու համար:
Яблоко կուսակցության մամլո ծառայությունից հայտարարել են, որ ձերբակալվել է կուսակցության 10 անդամ, որ ուղևորվել են Մոսկվա` «Միլիոնների երթին» մասնակցելու համար:
Հայտարարության մեջ ասվում է, որ ոստիկանությունը ձերբակալել է երթուղային տաքսու բոլոր ուղևորներին, ներառյալ` Яблоко կուսակցության անդամներին, և պահաջել, որ նրանք գան ոստիկանական բաժին:
Կուսակցության ներկայացուցիչները համոզված են, որ երթուղային տաքսին կանգնեցրել են կուսակցության անդամների պատճառով, որոնց փորձել են ձերբակալել դեռևս Տուլայից դուրս գալու ժամանակ:
