Ֆինանսական ճգնաժամի ընթացքում Հունաստանի մայրաքաղաքը բախվել է իմունային անբավարարության (ՄԻԱՎ/ՁԻԱՀ) վիրուսի հետ: Երկրի առողջապահության նախարարության տվյալներով՝ հիվանդությունն արագ տարածվում է թմրամոլների շրջանում:
Ինչպես հաղորդում է Rosbalt գործակալությունը, անցյալ տարիներին բժիշկները հայտնաբերում էին ՄԻԱՎ-ի տարեկան 10-15 դեպք: Այժմ այդ թիվն ավելացել է 15 անգամ:
Մասնագետների կարծիքով՝ վիրուսի տարածման պատճառ է դարձել կոշտ տնտեսական քաղաքականությունը: Բանն այն է, որ կառավարության որոշմամբ հեշտացվել են հատուկ կենտրոններում թմրամոլներ ընդունելու պայմանները՝ գործնականում գրեթե դադարեցվել է մաքուր ասեղների բաժանումը:
Այն, որ Հունաստանի ոչ կայուն քաղաքական և տնտեսական իրավիճակը ուղղակիորեն անդրադառնում է ՄԻԱՎ վիրուս կրողների վրա, ասվում էր դեռ անցյալ տարվա աշնանը: Ընդհանուր առմամբ, փորձագետները կարծում են, որ երկիրը առողջապահական ճգնաժամի եզրին է, հույները 35%-ով ավելի շատ հակադեպրեսանտներ են օգտագործում, քան 5 տարի առաջ, իսկ ինքնասպանությունների մակարդակն ավելացել է 40%-ով:
Սրա հետ մեկտեղ ավելացել է թմրամոլների թիվը, ՄԻԱՎ վիրուս կրող անօրինական ներգաղթյալների և մարմնավաճառությամբ զբաղվողների թիվը, և մաքուր ասեղներ գնալով ավելի դժվար է ձեռք բերել: Արդյունքում ՁԻԱՀ-ն արագորեն տարածվում է:
