Հայպետհիդրոմետի օպերատիվ հիդրոօդերևութաբանության կենտրոնի պետ Զարուհի Պետրոսյանը լրագրողների հետ հանդիպման ժամանակ ասաց, որ երևանցիները, և ոչ միայն նրանք, առաջիկա օրերին ձյուն կտեսնեն:
Այսօր երեկոյան սպասվում են տեղումներ, որոնք կշարունակվեն հինգ օր: Հովտային շրջաններում հունվարի 30-ին օդի ջերմաստիճանի նվազում է սպասվում, և ամենուրեք ձյուն կտեղա: Հովտային շրջաններում ցերեկային ժամերին կգրանցվի +1+3 աստիճան տաքություն, գիշերը` 0-2:
Մայրաքաղաքում և Արարատյան դաշտում ցերեկային ժամերին՝ 0+1, գիշերը` -2-4, սպասվում է ձյուն, կառաջանա ձյան ծածկ: Հունվարի 30-ին, 31-ին և փետրվարի 1-ին տեղումների ինտենսիվությունը կուժեղանա, կարձանագրվի միջինը 10-15 մմ տեղում: Փետրվարի 1-ից Հայաստանի Հանրապետության ողջ տարածքում կառաջանա ձյան ծածկ: Զարուհի Պետրոսյանը նշեց, որ առաջիկա 3 օրերի ընթացքում ջերմաստիճանի փոփոխություն չի սպասվում:
Հունվարի 27-30-ը գիշերը մարզերում կգրանցի 0-ին մոտ, իսկ ցերեկը +2+4 աստիճան տաքություն: Փետրվարի 1-ին Երևանում գիշերը կլինի -2-4, իսկ ցերեկային ժամերին՝ 0-ին մոտ: Լեռնային շրջաններում գիշերը ջերմաստիճանը կհասնի -10, իսկ ցերեկը՝ -5 աստիճանի: Զարուհի Պետրոսյանը խոստացավ, որ այս օրերին բոլորը ձնագնդիկ անպայման կխաղան:
