ԱՄՆ նախագահի թեկնածու, հանրապետական Միթ Ռոմնիի մամլո քարտուղարը ստիպված էր լքել պաշտոնը, քանի որ բացահայտ գեյ է: Այս մասին հատնում է The Washington Post-ը:
Ռիչարդ Գրենելը, որը եղել է արտաքին քաղաքական և ազգային անվտանգության հարցերով մամլո քարտուղարը, այս առիթով հատուկ հայտարարություն է տարածել: Գրենելի խոսքով՝ «անձնական հարցերի» քննարկման պատճառով իր աշխատանքը խիստ դժվարացել էր:
Ռոմնիի ընտրարշավի ներկայացուցիչ Մեթ Ռոուդսը ափսոսանք է հայտնել Գրենելի հեռանալու որոշման առնչությամբ: Ռոուդսի խոսքով՝ նախընտրական շտաբում ցանկանում էին, որ նա մնա:
Ավելի վաղ Գրենելը ամերիկացի պահպանողականների կողմից քննադատության էր ենթարկվել: National Review ամսագրում նույնիսկ ենթադրություն էր արվել, որ Բարաք Օբամայի կողմից միասեռականների ամուսնությունները աջակցություն ստանալու դեպքում Գրենելը կանցնի նրա ճամբար:
Agence France-Presse-ի տվյալներով՝ Ջորջ Բուշ-կրտսերի նախագահության տարիներին Գրենելը աշխատել է ՄԱԿ-ում ամերիկյան առաքելության կազմում:
ԱՄՆ սեռական փոքրամասնությունների ներկայացուցիչները, որպես կանոն, քվեարկում են դեմոկրատների օգտին: Հանրապետականները կտրուկ դեմ են սեռական փոքրամասնությունների իրավունքների ընդլայնմանը, մասնավորապես՝ միասեռական ամուսնությունները օրինականացնելուն:
