Բրիտանական Կոլումբիայի դատարանը ստիպել է նախկինում ամուսնացած երկու կանանց, իրար մեջ բաժանել դոնորական սերմնահեղուկի 13 անոթը` համաձայն գույքի բաժանման չափանիշների, ինչը նախադեպային է Կանադայի դատական համակարգի պատմության համար: Այս մասին տեղեկացնում է BBC-ն:
Դատական գործընթացում դատավոր Լորիլ Ռասելն ընդունել է նախկին ամուսիններից մեկի (որը ընտանեկան կապերը խզել էր 2006թ.) սերմնահեղուկը մեքենայի կամ տան հետ փոխանակելու «բարոյական անհամատեղելիության» փաստարկը, սակայն նկատել է, որ կոնֆլիկտի երկու կողմն էլ նախկինում վերոնշյալ անոթների հետ վարվել է այնպես, ինչպես ցանկացած այլ գույքի հետ:
Զույգը սերմնահեղուկով կոլբաները ձեռք էր բերել 1999թ. Սերմնահեղուկի ամերիկյան բանկում, որոնք օգտագործել էին իրենց երկու երեխաներին լույս աշխարհ բերելու համար, ինչից հետո սերմնահեղուկով լի անոթները պահվել են Վանկուվերի արհեստական բեղմնավորման կլինիկաներից մեկում:
Ամուսնալուծությունից հետո կանանցից մեկը դատարանի միջոցով ցանկանում էր հասնել սերմնահեղուկի ոչնչացմանը այն դեպքում, երբ կնոջ նախկին երկրորդ կեսը ցանկանում էր իրեն վերադարձնել այն` նոր ամուսնության ժամանակ կրկին երեխաներ ունենալու համար: