Ֆինանսական խորհրդատուների կողմից իրականացրած հետազոտության համաձայն՝ 2012 թվականի համար կատարյալ տարիքը 70-ն է: Այն համարվում է կատարյալ, քանի որ այդ սերունդը կարողացել է խուսափել համաշխարհային երկրորդ պատերազմից, վայելել 60-ական, 70-ական թվականները, ցածր տոկոսադրույքով տուն գնել 20 տարեկանում և այնուհետև հետևել, թե ինչպես է աճում դրա արժեքը:
Daily Mail-ը գրում է, որ հենց այդ պատճառով 70 տարիների ընթացքում ցածր հարկեր վճարելուց հետո այժմ կենսաթոշակի շնորհիվ 70-ամյա մարդիկ կարող են հիանալի կյանք վարել:
Ամեն ինչ, սակայն, այդքան հիանալի չէ ավելի երիտասարդների համար: Խորհրդատուներն ասում են, որ ամենավատ տարիքը 45-ն է, քանի որ այդ տարիքի մարդը ստիպված է լուծել իր երեխաների ֆինանսական խնդիրները, մուծել համալսարանների վճարները, վճարել տան համար՝ չունենալով եկամուտ:
Նման ճակատագիր ունեն նաև 20-ամյա երիտասարդները, ովքեր իրենք են լուծում իրենց ֆինանսական խնդիրները:
Ուսումնասիրությունն իրականացրել էր British Airways Business Life ամսագիրը:
