Քաղաքագետ Երվանդ Բոզոյանն «Առաջին լրատվական»-ի հետ զրույցում նշեց, որ սոցիալական ցանցերի ազդեցությունը Հայաստանում զգալի մեծացել է. «2012 թվականի ընտրություններում ինտերնետի դերը մեծ է լինելու, և այս իմաստով՝ ես կարծում եմ, որ բավական հետաքրքիր կլինի: Այն կօգնի ավելի արագ արձագանքել ընտրակեղծիքների դեպքում: Սոցիալական կայքերը միանշանակ կօգնեն ընտրությունների թափանցիկությանը»:
Ըստ քաղաքագետի՝ այն, որ քաղաքական գործիչները սոցիալական կայքերում, մասնավորապես՝ Facebook-ում ունեն իրենց էջերը, ևս մեկ անգամ ապացուցում է կայքերի դերի մեծացումը. «Քաղաքական գործիչներն, ունենալով իրենց էջերը այնտեղ, շատ լավ գիտակցում են, որ պետք է մաքսիմալ օգտագործեն սոցիալական կայքերը»:
Վերջում, քարոզարշավը գնահատելով՝ մասնագետը նշեց. «Քարոզարշավը դրական եմ գնահատում: Շատ հանգիստ է, էմոցիա չկա: Չկա որևէ բան, որով ես կարող եմ առանձնացնել այս ընտրությունները նախորդներից: Պարզապես կարծես մի տեսակ ավելի հոգնած լինի»: