News Georgia-ի փոխանցմամբ՝ ԵՄ-ի և ՄԱԿ-ի Զարգացման ծրագրի (UNDP) ֆինանսավորմամբ 2011 թվականին Վրաստանում իրականացվել է մեդիամոնիթորինգ՝ պարզելու համար Վրաստանի հեռուստաալիքների և տպագրվող ԶԼՄ-ների վերաբերմունքը սեռական փոքրամասնությունների նկատմամբ:
Մոնիթորինգն իրականացվել է մի քանի փուլով՝ հունիսից մինչև դեկտեմբեր: Այն իրականացրել է Վրաստանի հասարակական գործերի ինստիտուտը (GIPA): Նախագծի իրագործմանը հատկացվել է 750,000 եվրո:
Հետազոտությունը ցույց է տվել, որ վրացական ԶԼՄ-ներն ամբողջությամբ անտեսում են սեռական փոքրամասնություններին: Բացի այդ, այն ցույց է տվել, որ Վրաստանի բնակչության 88 տոկոսը հիմնական տեղեկատվությունը ստանում է հեռուստատեսության միջոցով:
