«Աթուր» Հայաստանի ասորիների ՀԿ-ն որևէ կուսակցության չի հարում: Այս մասին մեզ տեղեկացրեց ՀԿ-ի նախագահ Արսեն Միքայելյանը: Նա նշեց, որ փորձում են չընդգրկվել որևէ կուսակցության շարքերում. «Մենք զբաղվում ենք կրթամշակութային, լեզվի պահպանման, կրոնական և այլ հարցերով և որևէ կուսակցության հետ կապ չունենք»: Միքայելյանը նաև ասաց, որ իրենց ՀԿ-ում գրանցված է շուրջ 1000 ասորի, բայց ՀՀ-ում նրանց թիվը հասնում է 7000-ի:
«Առաջին լրատվական»-ի հետ զրույցում «Պոլոնիա» Հայաստանի լեհերի միության նախագահ Ալլա Լուզմինսկան էլ նշեց, որ իրենք սատարում են Հանրապետական կուսակցությանը. «Մենք մեր նախագահի կուսակցության կողքին ենք: Մեր հանդեպ կա լավ վերաբերմունք, անհրաժեշտության դեպքում օգնություն անպայման ստանում ենք, մեզ հետ հանդիպումներ են կազմակերպում, ընդհանուր առմամբ գոհ ենք ՀՀԿ-ի աշխատանքից»: Նախագահը նաև նշեց, որ իրենք որևէ կուսակցությունից դրամական օգնություն չեն ստանում, այդ թվում նաև՝ ՀՀԿ-ից: