Եգիպտոսի ԶԼՄ-ների տեղեկատվության համաձայն` երկրի նախագահական ընտրություններով զբաղվող հանձնաժողովը արգելել է թեկնածուներին կիրառել կրոնական կարգախոսներ և նախընտրական քարոզարշավի ժամանակ մեկնել կրոնական սրբավայրեր:
Կենտրոնական ընտրական հանձնաժողովի կանոնների համաձայն` արգելվում է նաև նախընտրական նպատակներով կիրառել պետական հաստատությունները և տրանսպորտը, ուսումնական հաստատությունները և բյուջետային միջոցները:
Նախընտրական քարոզարշավը պաշտոնապես սկսվելու է ապրիլի 30-ին և ավարտվելու է մայիսի 21-ի կեսգիշերին:
Եգիպտոսի նախագահի ընտրությունների առաջին փուլը տեղի է կունենա մայիսի 23-ին և 24-ին:
Նախընտրական քարոզարշավի ընթացքում թեկնածուները կարող են հանդիպումներ ունենալ ընտրողների հետ, կազմակերպել մամլո ասուլիսներ` հասարակությանը նախընտրական ծարգրերին ծանոթացնելու համար: Դրա հետ մեկտեղ` խիստ արգելվում է շոշափել հարցեր, որոնք կապված են մյուս թեկնածուների անձնական կյանքի, ընտանիքի անդամների հետ, ինչպես նաև` ուժ կիրառել կամ սպառնալ հակառակորդ թեկնածուներին:
Եգիպտոսի ԿԸՀ-ն նաև նախազգուշացրել է` դրամական օգնություն կամ նվերներ չտալ թեկնածուներին նախընտրական քարոզարշավի ընթացքւմ:
Եգիպտոսի նախագահի թեկնածուներին կտրամադրվի մեկ ժամ անվճար եթերաժամանակ պետական հեռուստաալիքներում:
Նախընտրական քարոզարշավը խախտողներին սպասվում է մինչև մեկ տարի ազատազրկում և դրամական տուգանք:
