Հաջորդ ամիս կայանալիք Կաննի կինոփառատոնի մրցութային ծրագրում Եգիպտոսն ընդգրկված է: Կինոստուգատեսին ներկայացված է ռեժիսոր Յուսրի Նասրալլայի «Ճակատամարտից հետո» ֆիլմը:
Եգիպտացի ռեժիսորը «Ալ-Մասրի Ալ-Յաում» թերթին տված հարցազրույցում հայտնել է, որ չէր սպասում, թե իր ֆիլմը կընդգրկվի Կաննի մրցութային ծրագրում, և այդ մասին ստացած ծանուցումն իսկական անակնկալ է եղել իր համար: Ֆիլմը պատմում է մինչ Հոսնի Մուբարաքի հեռանալը Եգիպտոսում տեղի ունեցած ողբերգական իրադարձությունների մասին: Ֆիլմը հիմնված է փաստերի վրա, նրանում ընդգրկված են եգիպտական հեղափոխության մի քանի տասնյակ ականատեսների պատմություններ:
Վերջին անգամ՝ 1997 թվականին Կաննի կինոփառատոնին մասնակցել է եգիպտացի ռեժիսոր Յուսեֆ Շահինի «Ճակատագիրը» ֆիլմը:
Կաննի 65-րդ կինոփառատոնը տեղի կունենա մայիսի 16-27-ը: Բացմանը կցուցադրվի Ուես Անդերսոնի «Լիալուսնի թագավորությունը» ֆիլմը:
