Ադրբեջանական Turan լրատվական գործակալության փոխանցմամբ՝ ԵԽ-ի գլխավոր քարտուղա Թյորբորն Յագլանդը դատապարտել է Ադրբեջանում լրագրողների վրա կատարված հարձակումներն ու Ադրբեջանի իշխանություններին կոչ է արել ընդունել օրենսդրության բարեփոխման հարցում փորձագիտական աջակցության ու օգնության մասին առաջարկը.
«Ոչ վաղ անցյալում լրագրողների դեմ կատարված հարձակումները հերթական անգամ վկայում են, որ Ադրբեջանում մամուլի ազատությունը գտնվում է սպառնալիքի տակ: Ադրբեջանական իշխանությունները պարտավոր են ձեռնարկել ամեն հնարավոր բան ոչ միայն տեղի ունեցածը հետաքննելու ու մեղավորներին պատասխանատվության ենթարկելու, այլև նրա համար, որ լրագրողները կարողանան կատարել իրենց մասնագիտական աշխատանքը: Այդ պայմանների չիրագործումը ավելի մեծ կասկածի տակ դնի մարդու իրավունքների և հիմանական ազատությունների հարգման հարցում Ադրբեջանի հեղինակությունը:
Չնայած Ադրբեջանում տեղի է ունենալու «Եվրատեսիլ 2012» երաժշտական մրցույթը, դա չի կարող փոխհատուցել Մարդու իրավունքների եվրոպական կոնվենցիայից բխող պարտավորությունների չկատարումը: Ես Ադրբեջանին կոչ եմ անում օգտվել օրենսդրության բարեփոխման հարցում մեր ներկայացրած փորձագիտական աջակցությունից ու օգնությունից»:
