ԱՄՆ կառավարությունը Երկրորդ համաշխարհային պատերազմի ժամանակ նացիստների գողացած կտավը վերադարձրել են տիրոջ օրինական ժառանգներին: Այս մասին հաղորդում է Reuters գործակալությունը:
Խոսքը «Խաչ կրող Քրիստոսը» կտավի մասին է, որի հեղինակը իտալացի Ջիրոլամո Ռոմանինոն է: Կտավն ստեղծվել է 16-րդ դարում ու պատկանել է Ֆրեդերիկո Ջենտիլի դի Ջուզեպպեին` Փարիզում բնակվող հրեա հավաքորդին:
Դի Ջուզեպպեն մահացել է 1940թ., իսկ նրա ժառանգներն այդ ժամանակ փախչում էին Ֆրանսիայից: Գերմանիայի կողմից Ֆրանսիայի օկուպացումից հետո նրա 70 աշխատանքները բռնագրավվել էին ու վաճառվել Վիշիի կառավարության կողմից: 1997թ. Դի Ջուզեպպեի ժառանգները դատական հայց էին ներկայացրել` պահանջելով վերադարձնել կտավը:
Կտավն արդյունքում ընկել էր Միլանի Բրերա թանգարան: 2011թ. Ինտերպոլն այն գտել էր վերադարձրել Դի Ջուզեպպեի ժառանգներին: Նրա թոռներից մեկի խոսքով` կտավը որոշվել է վաճառել Christie’s աճուրդի տանը:
Կտավի նախնական արժեքը 2.5 միլիոն դոլար է:
