Նորաձևության աշխարհում հասունանում է հերթական սկանդալը` այս անգամ գրագողության մեղադրանքով: Կոշիկի հայտնի դիզայներ Քրիստիան Լուբուտենը ոչ այնքան վաղ անցյալում մեղադրել էր Yves Saint Laurent նորաձևության տանը` հեղինակային իրավուքների խախտման մեջ, իսկ հիմա էլ պահանջներ է ներկայացնում նորաձևության մեկ այլ հսկայի` Chanel-ի դեմ:
Վերջերս Լուբուտենը հայտարարել է, որ հենց իրեն է պատկանում մգդակած կաշվից, սպիտակ տափակ, կոշիկների (բալետկա) դիզայնը, որոնք դարձել են Chanel նորաձևության տան այցեքարտը: Այս մասին հաղորդում է Popcornnews-ը:
«Բոլորը մտածում են, որ այդ կոշիկները անձամբ Կոկոյի ԴՆԹ-ն են, սակայն դրանք չէին արտադրվում, մինչև ես չեկա այնտեղ»,- հայտարարել է նա:
Հիշեցնենք, որ իր կարիերայի սկզբում Լուբուտենը իսկապես աշխատել է Chanel-ում:
