Google ընկերությունը Google Earth ծրագրում ավելացրել է երկրի մակերեսի լուսանկարներ` արված օդապարիկներից և օդային օձերից։ Այս մասին հաղորդում է Lenta.ru-ն:
Google-ն իր բլոգում նշում է, որ տվյալ պահին ավելի քան 40 տեղանքի «տպավորիչ» լուսանկար է հասանելի: Լուսանկարները նայելու համար օգտատերը պետք է ներբեռնի տվյալներով KLM ֆայլը և այն բացի Google Earth-ում:
Google Earth-ի համար լուսանկարներն արել է The Public Laboratory նախագիծը:
Օդային օձին ամրացված տեսախցիկի միջոցով արված լուսանկարներ կան նաև Google Maps-ում:
Google Earth ծրագիրն անվանում են «վիրտուալ գլոբուս», որի միջոցով կարելի է նայել քարտեզներ, աերոլուսանկարներ և 3D-մոդելներ: Այդ ամենից զատ ծրագիրն ունի նաև «Օվկիանոսներ», «Երկինք», «Մարս» ռեժիմներ:
