Reuters գործակալության փոխանցմամբ՝ ՄԱԿ-ի պահանջով Atlantic Cruiser առևտրանավը, որը կասկածվում է Սիրիայի համար զենք փոխադրելու մեջ, շեղվել է իր ուղուց, մտել է Թուրքիայի տարածքային ջրեր ու խարիսխ է գցել Իսքենդերունի նավահանգստում:
Այստեղ թուրք ոստիկաններն ու մաքսային աշխատակիցները պատրաստվում են զննել Բերմուդյան դրոշով երթևեկող այդ նավի բեռը: Գերմանական Bockstiegel ընկերությանը պատկանող այդ նավն օրեր առաջ կանգ է առել Ջիբութիում, ուր և նրանում բարձվել է իրանական առևտրանավի մի շարք բեռնարկղեր: Թուրքերի առաջադրանքն է պարզել այդ բեռնարկղերի պարունակությունը:
Հիշեցնենք, որ արևմտյան երկրներն ու Թուրքիան բեռնարգելք են դրել Սիրիային զենքի ու զինամթերքի փոխադրման վրա:
