Ամերիկացի ռեփ երգիչ Թուփաքի երկրպագուները կարող են ուրախանալ, քանի որ երգիչը «վերադառնում է»` չնայած միայն հոլոգրամների տեսքով:
People–ը հաղորդում է, որ չնայած երգիչը մահացել է 1996 թվականին, նա կիրակի օրը հանդես է եկել ամերիկյան Coachella փառատոնի ժամանակ` երգելով Սնուփ Դոգի հետ: Շակուրի հոլոգրամի հանդես գալը փառատոնի ընթացքում համացանցում մեծ աղմուկ է բարձրացրել:
Տպավորիչ ներկայացումը ստեղծել էր Digital Domain Media Group ընկերությունը, որի ներկայացուցիչը Wall Street Journal-ին հայտնել է, թե ինչ է սպասվում հետագայում:
Ընկերությունը հայտնել է, որ սա միայն սկիզբն է, և որ իրենք դեռ շատ նպատակներ ունեն այս տեխնոլոգիայի հետ կապված: Դեռևս մեկ տարի առաջ լուրեր էին պտտվոմ «վիրտուալ Թուփաքի»ստեղծման մասին: Coachella-ի համար թիմը սկսել էր պատրաստվել դեռ 4 ամիս առաջ: Հավանականություն կա, որ վիրտուալ Թուփաքին արդեն առավել հաճախ հնարավոր կլինի տեսնել տարբեր բեմերում:
