Գիտնականները կասկածի տակ են դրել մարդկային դիմախաղի ընդհանրության վերաբերյալ Չարլզ Դարվինի վարկածը: Հետազոտողները հաստատել են, որ ասիացիների մկանախաղը խիստ տարբերվում է եվրոպոիդների մկանախաղից: Այս մասին տեղեկացնում է lenta.ru-ն՝ հղում անելով Proceedings of the National Academies of Science ամսագրում տպագրված հոդվածին:
Մարդու դեմքի համակարգչային մոդելավորման միջոցով գիտնականները հետազոտություններ են իրականացրել: Ստեղծվել են 4800 դիմապատկերներ, որոնք արտահայտել են հույզի 6 հիմնական տեսակները՝ ուրախություն, զարմանք, վախ, զայրույթ, տխրություն և զզվանք:
Հետազոտությանը մասնակցած կամավորները բաժանվել են երկու խմբի, առաջին խմբի 15 մասնակիցները եղել են Արևելյան Ասիայից գաղթածներ, որոնց կապը Արևմուտքի հետ նվազագույն մակարդակի վրա է եղել: Երկորդ խումբը բաղկացած է եղել բացառապես եվրոպոիդներից:
Եթե հույզերը համընդհանուր լինեին, ապա ցուցադրվող դեմքի արտահայտությունը դիտելիս բոլորը կցուցաբերեին միանման հույզեր: Միանման հույզեր գրանցվել է միայն եվրոպոիդների մոտ: Նրանք միանման են արձագանքել 6 տեսակի հույզեր արտահայտող 4800 նկարներին:
Ասիացիների մոտ հույզերը միանման են եղել միայն ժպիտի դեպքում:
«Մարդկանց և կենդանիների մոտ հույզերի արտահայտումը» գրքում Չարլզ Դարվինը հայտնում էր, որ մարդիկ հույզերը միանման են ընկալում: Գիտնականները լուրջ կասկածներ ունեն այս առնչությամբ, կարծում են, որ պատճառը մշակութային է:
