«Հայաստանի բաշխիչ ցանցեր» ընկերությունում դեռ տարեսկզբին վերսկսած ստուգումները Պետական եկամուտների կոմիտեի հարկային մարմինը շուրջ 10 օրից կավարտի և կամփոփի արդյունքները: Այս մասին «Առաջին լրատվական»-ին հայտնեցին ՊԵԿ հասարակայնության հետ կապերի և տեղեկատվության վարչությունից:
Հիշեցնենք, որ ՊԵԿ-ը 2011-ի վերջին քրեական գործ էր հարուցել ՀԷՑ-ի դեմ: ՊԵԿ-ի քննչական վարչության աշխատակիցները հոկտեմբերին ՀԷՑ-ի բոլոր մասնաճյուղերում խուզարկություններ էին սկսել, որի ընթացքում առգրավվել էին կարևոր փաստաթղթեր։ ՊԵԿ-ը համոզված էր, որ ՀԷՑ-ը պետական բյուջե չի վճարել շահութահարկի, եկամտահարկի, ավելացված արժեքի հարկի և պարտադիր սոցվճարների մի մասը։ Ամբողջական գումարը կազմում է գրեթե 2 մլրդ դրամ։ Ի պատասխան՝ ՀԷՑ-ը բողոք էր ներկայացրել ՊԵԿ-ի վերաքննիչ հանձնաժողով։ Դեռ նախորդ տարվա վերջին ՀԷՑ-ի գլխավոր տնօրեն Եվգենի Բիբինը հույս էր հայտնել, որ 2012-ի առաջին եռամսյակում որոշակի լուծում կլինի։
