Բարաք Օբամայի և Դեմոկրատական կուսակցության նախընտրական բյուջեն համալրվել է բավականին կլորիկ գումարով: Այսօր նախագահական ընտրությունների քարոզարշավի շրջանակներում տարածված տեսանյութում նշվել է, որ մարտին նախընտրական ֆոնդը համլրվել է 53 մլն դոլարով: Այս գումարը նախագահի թեկնածուի քարոզարշավի ֆոնդին են տվել 567 հազար մարդ: Առաջին անգամ 190 հազար մարդ մարտին նվիրաբերել է իր միջոցները Օբամայի վերընտրման համար:
Փետրվարին Օբամայի նախընտրական բյուջեն կազմել է 45 մլն դոլար: 2011թ-ի ընթացքում Օբամայի և նրա կուսակցական ընկերների ընդհանուր բյուջեն կազմել է 220 մլն դոլար: Անցած նախագահական ընտրությունների ժամանակ Օբամայի շտաբը հավաքել էր 750 մլն դոլար: Հիմա շատերը գտնում են, որ նախագահի ներկայիս շտաբը կարող է անցնել 1 մլրդ դոլարի սահմանը:
