Կատինի մոտ գնդակահարված ռազմագերիների ազգականների փաստաբան Իրենեուշ Կամինսկին հայտարարել է, որ միայն մասնակի է բավարարված դատարանի` Ռուսաստանի գործողությունների նկատմամբ կայացրած վճռով ու այն մտադիր է բողոքարկել Մարդու իրավունքների եվրոպական դատարանի (ՄԻԵԴ) Մեծ պալատում:
«Թեև դատարանն ընդունել է ՌԴ-ի կողմից 3-րդ հոդվածը խախտելու փաստը, դատավորները տարաձայնություններ են ունեցել 2-րդ հոդվածի վերաբերյալ, ինչը հայցվորների համար ավելի սկզբունքային է: Մասնավորապես, փաստաբանը նկատել է, որ դատարանի որոշման ձևակերպումները պարզ հասկացնում են, որ բողոքի այն հատվածը, որը առնչվում է Սահմանադրության երկրորդ հոդվածին, հիմք է տալիս եզրակացնել, որ որոշումը պետք է կայացնի դատարանի Մեծ պալատը»,- փաստաբանի խոսքերը մեջբերում է ՄԻԵԴ-ը:
Ավելի վաղ` ՄԻԵԴ-ն այսօր խոստովանել էր, որ լեհացի զինծառայողների զանգվածային գնդակահարումը Կատինի մոտ, հանդիսանում է զինվորական հանցագործոթյուն: Բացի այդ` դատարանը նշել է, որ ռուսական կողմը բավարար չափով տեղեկություն չի տրամադրել գնդակահարված զինծառայողների ու սպանվածների ճակատագրի մասին: Այս մասին հայտնում է «Ռոսբալտը»:
Հաղորդվում է նաև, որ Եվրոպական դատարանը որոշում չի կայացրել Ռուսաստանի կոմից այդ գործը անարդյունավետ հետաքննելու բողոքի հարցում:
Հիշեցնենք, որ ավելի քան 14 հազար լեհ սպաներ են 1939թ. աշնանը աքսորվել ԽՍՀՄ: 1943թ. տեղեկություն հայտնեց այն մասին, որ ԽՍՀՄ ներքին գործերի ժողովրդական կոմիսարիատի աշխատակիցները գնդակահարել են լեհ սպաներին Կատինի անտառում` Սմոլենսկից 14 կմ արևմուտք:
Խորհրդային կոմիսարիատը 1944թ. նրանց գնդակահարման մեջ մեղադրեց գերմանական կողմին, սակայն 1990թ. Ռուսաստանը ընունեց, որ նրանց գնդակահարել են Կրեմլի թելադրանքով:
