Իրանական Mehr News լրատվական գործակալության փոխանցմամբ՝ ապրիլի 14-ին Ստամբուլում տեղի ունեցած Իրանի միջուկային ծրագրի վերաբերյալ հաջող բանակցություններից հետո նավթի գները սկսել են անկում ապրել: Մասնավորապես, Նյու Յորքի շուկայում նավթի գինը նվազել է մինչև 102 դոլարի:
Փորձագետները կանխատեսում են, որ նավթի գները կարող են էլ ավելի ընկնել, եթե մայիսի 23-ին Բաղդադում կայանալիք Իրանի ու «Վեցյակի» միջև բանակցություններն անցկացվեն կառուցողական մթնոլորտում: Փորձագետները նավթի գնի անկում կանխատեսնում են ոչ միայն Իրանի ներքին շուկաներում, այլև համաշխարհային և մասնավորապես նավթային շուկաներում:
Հիշեցնենք, որ ավելի վաղ Իրանի միջուկային ծրագրի վերաբերյալ ռազմաշունչ հայտարարությունները նպաստել էին նավթի համաշխարհային գնի աճին:
