Գիտնականներն օգտագործել են Անտարկտիդայի արբանյակային նկաները՝ հաշվելու կայսերական պինգվիններին (Aptenodytes fosteri): Հաշվարկների արդյունքում նրանց թիվը 2 անգամ ավելի է եղել, քան նախկինում ենթադրվում էր: Այս մասին տեղեկացնում է lenta.ru-ն՝ վկայակոչելով PLoS ONE ամսագրում տպագրված գիտական հոդվածը:
Հետազոտողներն օգտագործել են արբանյակային միջին թողունակությամբ նկարները պինգվինների «գաղութները» հայտնաբերելու համար և բարձր թողունակությամբ նկարները՝ թռչուներին հաշվելու համար: Նկարահանումներն իրականացվել են 2009 թվականին՝ թռչունների բազմացման սեզոնին, 3 կոմերցիոն արբանյակների միջոցով: Հաշվարկն իրականացվել է ավտոմատ կերպով, սակայն գիտնականների հսկողությամբ: Գիտնականները մանրակրկիտ ուսումնասիրել են նաև ձյան վրա հայտնված ստվերները:
Կենսաբաններին հաջողվել է հայտնաբերել պինգվինների 46 գաղութ, որոնցում եղել է 595 հազար թռչուն: Այս թիվը 1,4-1,8 անգամ մեծ է նախատեսվածից:
Գիտնականները դիտարկում են տիեզերքից մոլորակի անհասանելի վայրերը ուսումնասիրելու այլ հնարավորություններ:
Ավելի վաղ կենդանաբանները օգտագործել են արբանյակային նկարները՝ տարբեր կենդանատեսակների աճի դինամիկան գնահատելու համար: 2005-ին հետազոտողները QuickBird –արբանյակի միոջոցով նկարահանել են Նյու Յորքի կենդանաբանական այգու գազաններին:
