Իրանական IRNA լրատվական գործակալության փոխանցմամբ՝ Իրանի արտգործնախարար Ալի Աաքբար Սալեհին մեկնաբանել է ապրիլի 14-ին Ստամբուլում Իրանի և «Վեցյակի» միջև տեղի ունեցած բանակցությունները.
«Իրանն ու «Վեցյակը» Ստամբուլում տեղի ունեցած բանակցությունների ժամանակ եկել են փոխըմբռնման: Արևմուտքը եկել է այն եզրահանգման, որ Իրանը շարունակելու է իր միջուկային գործունեությունը՝ անկախ իր վրա գործադրվող ճնշման աստիճանից: Իրանը կտրականապես դեմ է միջուկային զենքի տարածմանը:
Իրանը դիվանագիտական երկխոսության մեջ չի մտնի ԱՄՆ-ի հետ: ԱՄՆ-ի հետ բանակցություններ վարելու լիազորությունները պատկանում են Իրանի գերագույն ղեկավար և հոգևոր առաջնորդ, այաթոլլահ Ալի Խամենեիին: Նա այն առաջնորդն է, որը որոշում է, թե Իրանն ինչ պետք է անի»:
Հիշեցնենք, որ իրանական պատվիրակությունը Ստամբուլում հրաժարվել էր երկկողմ հանդիպում ունենալ ամերիկյան պատվիրակության հետ:
