Google ընկերությունը ստիպված է 25000 դոլար տուգանք վճարել, քանի որ հրաժարվել է համագործակցել Հաղորդակցությունների դաշնային կոմիտեի հետ, որը պետք է ուսումնասիրեր ընկերության կողմից տվյալների պահպանումը:
Los Angeles Times-ը հաղորդում է, որ աշխարհում որոնման ամենամեծ համակարգը խնդիրների առջև կանգնեց երկու տարի առաջ, երբ պարզ դարձավ, որ փողոցների քարտեզագրման նրա ծրագիրը, որի համար մեքենաները լուսանկարում են տներ ու համայնքներ, նաև գաղտնի տեղեկություն է ստանում տարբեր ցանցերից, ինչպիսիք են՝ էլեկտրոնային նամակներն ու տեքստային հաղորդագրությունները:
Կոմիտեն 25 էջանոց զեկույց է ներկայացրել ուրբաթ օրը։ Չնայած ընկերությունն ընդունել էր սխալը, բայց այդպես էլ չէր թույլատրել հետաքննություն անցկացնել: Google ընկերությունը չի պատասխանել կոմիտեի զանգերին և էլեկտրոնային նամակներին:
