Վենեսուելայի նախագահ Ուգո Չավեսը, ով քաղցկեղի դեմ բուժման կուրս է անցնում, որոշել է չգնալ Կոլումբիա` Ամերիկյան մայրցամաքի պետությունների ղեկավարների գագաթաժողովին:
«Նախագահը որոշել է չմասնակցել այդ գագաթաժողովին` հետևելով բժիշկների խորհրդին»,- վենեսուելական ВТВ հեռուստաալիքին հաղորդել է Վենեսուելայի ԱԳՆ ղեկավար Նիկոլաս Մադուրոն:
Ապրիլի 12-ին Չավեսը Վենեսուելա է վերադարձել ճառագայթային թերապիայի երրորդ կուրսը Կուբայի մայրաքաղաքի հիվանդանոցներից մեկում ստանալուց հետո:
Հիշեցնենք, որ փետրվարի վերջին Հավանայում Չավեսի օրգանիզմից հեռացրել են գոյացություն: 2011 թվականի ամռանը հեռացրել էին Չավեսի աղիքային ուռուցքը:
Չնայած հիվանդությանը` Չավեսը մտադիր է մասնակցել նախագահական ընտրություններին, որոնք պետք է տեղի ունենան 2012 թվականի հոկտեմբերին: