CNN հեռուստաալիքի փոխանցմամբ՝ եմենյան զինվորականները հայտարարել են երկրի հարավում գտնվող Աբյան նահանգում բախման ժամանակ «Ալ-Քաիդա» ահաբեկչական խմբավորման ստորաբաժանումը ոչնչացնելու մասին:
Սպանվել է նվազագույնը 28 ահաբեկիչ: Հակահետախուզական ուժերի ստորաբաժանումը հետապնդում է «նահանջող ահաբեկիչների խմբի մնացորդներին լեռնային շրջաններում»: Նշված է զինվորականների` ԶԼՄ-ներում տարածած հաղորդագրության մեջ:
Եմենի կառավարությունում նշել են, որ նմանատիպ գործողությունները ահաբեկիչների դեմ շարունակվելու են երկրի հարավի բոլոր նահանգներում:
«Ալ-Քաիդայի» ու Եմենի կառավարական ուժերի միջև հակամարտությունը ծավալվում է հիմնականում երկրի հարավում` սկսած 2011թ. մայիսից, երբ մի քանի հարյուր ծայրահեղականներ գրավեցին Աբյան նահանգի մի շարք քաղաքներ, այդ թվում` նահանգի կենտրոն համարվող Զինջիբարը:
