Իրավապաշտպան Վարդան Հարությունյանը, գնահատելով Եվրոպայի խորհրդի Մարդու իրավունքների հանձնակատար Թոմաս Համարաբերգի այցելությունը Հայաստան, կարծիք հայտնեց, որ սա պարզապես հերթական այց էր և չի կարելի դիտարկել որպես պատմական այց հայժողպատմության տեսանկյունից. «Բայց սա այց էր, որն, անկասկած, ազդեցություն ունենալու է հայաստանյան ներքաղաքական զարգացումների վրա, ինչպես նաև քաղբանտարկյալների ճակատագրի վրա»:
Վարդան Հարությունյանը նշեց, որ ինքը լավատես է` քաղբանտարկյալները ազատ են արձակվելու. «Սակայն համարբերգների միջամտությունը կարող է դա ավելի արագացնել»:
Անդրադառնալով Համարբերգի և ՀՀ գլխավոր դատախազ Աղվան Հովսեփյանի հանդիպմանը և այն հանգամանքին, որ վերջինս ներկայացրել է, թե մարտի 1-2-ի դեպքերի բացահայտման ուղղությամբ մեծածավալ աշխատանքներ են կատարվել` Վարդան Հարությունյանը նկատեց. «Եթե նրանք աշխատանք կատարած լինեին, ապա բացահայտված կլինեին մարտի 1-2-ի դեպքերը և մեղավորները պատժված կլինեին, սպանություններից եթե ոչ բոլորը, ապա գոնե մեկը բացահայտված կլիներ: Քանի դեռ սպանությունները բացահայտված չեն, քանի դեռ Լևոն Տեր-Պետրոսյանի կողմնակիցները բանտում են, խոսել մեծածավալ աշխատանքի մասին` ուղղակի ծիծաղելի է»: