Վերջին շրջանում «հրաշագործ հաբերը», որոնք իբրև թե մարդուն խելացի, բարեկազմ և կենսուրախ են դարձնում, ավելի ու ավելի մեծ կիրառություն են գտնում, չնայած այն բանին, որ այն օգտագործողները երբեք չեն իմանում, թե ինչ է պարունակում իրենց ամեն տեսակի խնդիրներից «ազատող» հաբը: Ինչպես տեղեկացնում է The Telegraph-ը՝ մեջբերելով գիտական փորձերի արդյունքները, կասկածելի միջոցներն առաջացնում են ալերգիկ ռեակցիա, վնասում լյարդը, ուղեղը և որոշ դեպքերում՝ հանգեցնում մահվան: Օրինակ՝ Արևմուտքում բազմաթիվ ուսանողներ պարբերաբար ընդունում եմ Ռիտալին, որը սովորաբար բժիշկները նշանակում են ուշադրության շեղումներ ունեցող երեխաներին: Ուսանողները կարծում են, որ հաբերն օգնում են իրենց՝ կենտրոնանալու դասերի վրա:
Իսկ արհեստական արևայրուքի սիրահարներն օգտագործում են Մելանոտան II, որն օրգանիզմի վրա մի շարք բացասական հետևանքներ է թողնում: Որոշ բնական միջոցների մանրակրկիտ ուսումնասիրությամբ պարզվել է, որ դրանք պարունակում են նյութեր, որոնք բաղադրությամբ կարելի է համեմատել Վիագրայի հետ: Իսկ դրա և դիաբետային դեղամիջոցների միախառնումը կարող է մահացու հետևանքներ ունենալ:
Համացանցում վաճառվում են քաշը նվազեցնելու համար նախատեսված որոշ սննդային հավելումներ՝ Ռիմոնաբանտ և Սիբուտրամին, որոնք արգելված են և հանդիսանում են անաբոլիկ ստերոիդներ: Նույնիսկ հայտնի են դեպքեր, երբ դեմքը սպիտակեցնող քսուքների մեջ պարունակվող սնդիկն առաջացրել է թունավորումներ:
