Ապրիլի 11-ին Ինդոնեզիայի Սումատրա կղզում տեղի ունեցած ուժեղ երկրաշարժից ժամանակ Աչեհ քաղաքի բանտից փախել է ավել քան 30 բանտարկյալ: Այս մասին հաղորդում է BBC-ն՝ վկայակոչելով տեղի ԶԼՄ-ներին:
Ինդոնեզական լրատվամիջոցների տեղեկություններով՝ Սիգլի բանտի ղեկավարությունը տարհանել է 221 բանտարկյալների՝ կապված ստորգետնյա ցնցումների տագնապի հետ: Այդ գործողութան ընթացքում 63 բանտարկյալ փախուստի են դիմել, նրանցից 13-ն այնուհետև կամավոր բանտ են վերադարձել, 18-ին ոստիկաններն են բռնել:
«Այս պահին մենք ունենք 32 փախուստի դիմած, որոնց ինքնությունը պարզել ենք և գիտենք, թե որտեղ են նրանք թաքնվում»,- հայտնել են տեղի ոստիկանությունից:
Ապրիլի 11-ին Սումատրա կղզում տեղի ունեցած մի շարք ստորգետնյա ցնցումների հետևանքով քանդվել էր բանտի պատերից մեկը: Ինդոնեզիայի իշանություններն ավելի վաղ հայտնել էին, որ երկրաշարժերի հետևանքով զոհվել է 5, վիրավորվել 7 մարդ: Առավել տուժել են Աչեհ, Արևմտյան և Հյուսիսային Սումատրա մարզերը: Այդ մարզերի որոշ շրջաններում մարդիկ օգնության կարիք ունեն:
