Apple-ը հինգշաբթի օրը հերքել է, թե ընկերությունը բարձրացնում է էլեկտրոնային գրքերի գինը` նշելով, որ իր գործողություններով ընկերությունը փորձում է վերացնել Amazon-ի մենաշնորհային դիրքը շուկայում: Այս մասին հաղորդում է «Ազատություն» ռադիոկայանը:
Նախօրեին ԱՄՆ արդարադատության նախարարությունը հայցադիմում էր ներկայացրել դատարան, որում Apple-ին և մի շարք խոշոր գիրք արտադրողների մեղադրում էր կարտելային համաձայնության գալու մեջ:
Նշվում է, որ այդ համաձայնության արդյունքում Apple-ն ու մի քանի խոշոր հրատարակչություններ որոշել են, որ գրքի գինը որոշում է ոչ թե վաճառողը, այլ գիրք արտադրողները, ինչը թույլ չի տալիս վաճառողներին անհրաժեշտության դեպքում դրանք վաճառել զեղչերով:
