Մրգերի ու բանջարեղենի հին տարբերակներն ավելի բարձր են իրենց սնուցիչ մակարդակով, քան նույն տեսակների նոր՝ գեղեցիկ ու փայլուն տարբերակները, որոնց կարելի է հանդիպել սուպերմարկետներում: Գիտնականները հետազոտություններ են անցկացրել՝ պարզելու դրանց տարբերությունը:
Արդյունքում եկել են այն եզրահանգման, որ անապատային վայրի խնձորը, որը թվագրվում է վիկտորիանական ժամանակաշրջանին, 10 անգամ առողջարար է եղել: Առաջիկա 3 տարում գիտնականները կուսումնասիրեն խնձորի, բանանի, սոխի, մանգոյի և թեյի հին ու նոր տարբերակները:
Dailymail-ի տեղեկություններով՝ մասնագետները պարզել են, որ Էգրեմոնտ դարչնակամիր խնձորը, որը հիմնականում օգտագործվում է քացախի ստացման համար, ավելի շատ է ֆլորիցին պարունակում, քան ավելի գեղեցիկ տեսք ունեցող խնձորները: Ինչպես հայտնի է՝ ֆլորիցինը նվազեցնում է շաքարային դիաբետի ռիսկը:
Էգրեմոնտ դարչնակամիր խնձորն ամենուր հասանելի է բրիտանացիներին, սակայն ֆերմերները չեն փորձում այն արդիականացնել՝ մրգի սննդարարությունը չեզոքացումից պաշտպանելու համար: Այժմյան մրգատեսակներից դուրս են մղված սալիցիլատները, որոնք օրգանիզմում կարող են պայքարել քաղցկեղածին բջիջների դեմ: Հայտնի է, որ սալիցիլատներից ասպիրին են ստանում:
Ներկայում բազմաթիվ մրգեր սպառողին են հասնում ոչ լիարժեք սննդաար հատկանիշներով, քանի որ հասունանում են ոչ թե արևի տակ, այլ արհեստական պայմաններում: Դրանք արդեն ոչ թե առողջարար են, այլ վնասակար, քանի որ կարող են մաշկից դուրս բերել վիտամինները:
Cranfield-ի համալսարանի պրոֆեսոր Լեոն Թերին սպառողներին կոչ է արել գյուղատնտեսական մթերքներն ընտրել ըստ օգտակարության, այլ ոչ թե ըստ արտաքինի:
