Ռուսական հատուկ ծառայությունները ուժեղացնում են Էստոնիայում հետախուզական գործունեությունը: Այս մասին, ինչպես հայտնում է Interfax գործակալությունը, նշված է Էստոնիայի անվտանգության ոստիկանության ամենամյա հաշվետվությունում:
Գերատեսչության տվյալներով` ռուսական հետախուզությունը որոնում է ՆԱՏՕ-ի ու նրա դաշնակիցների պաշտպանության համակարգին մոտենալու ուղիներ, ինչպես նաև զբաղվում է հանրապետության զարգացման վերաբերյալ տեղեկություններ հավաքելով։
Ռուսաստանի կողմից նմանատիպ գործունեությունը 2011 թ. ակտիվացել է՝ կապված Հյուսիսատլանտյան դաշինքի կողմից հակահրթիռային պաշտպանության վահան ստեղծելու ու Հակահրթիռային պաշտպանության համակարգերը Եվրոպայում տեղակայելու հետ։
Փաստաթղթում նշվում է, որ Մոսկվան փորձում է ՆԱՏՕ-ի գործողություններում ագրեսիվության դրսևորումներ գտնել:
«Կանխատեսվում է ռազմական հետախուզության աճ, ինչի առնչությամբ ՌԴ գլխավոր շտաբի հետախուզական վարչության գործունեությունն Էստոնիայում կարող է ավելի ուժեղանալ»,- կարծում են հանրապետության անվտանգության ոստիկանությունում:
