Այսօր Մալիի ժամանակավոր նախագահի երդում տված Դիոնկունդա Տրաորեն սպառնացել է ապստամբ տուարեգներին և արմատական իսլամիստներին, որոնք իրենց իշխանության տակ են վերցրել երկրի ամբողջ հյուսիսը, «համընդհանուր և անխնա պատերազմով»:
Նա համառորեն և վճռական կոչ է արել գրոհայիններին դադարեցնել թալանը, բռնությունը, մնացած այլ հանցագործություններն ու ազատագրել օկուպացված քաղաքները:
«Եթե ապստամբները հրաժարվեն, ապա մենք առանց վարանելու կսկսենք համընդհանուր և անխնա պատերազմ»,- ասել է նա:
Տրաորեն նաև խոստացել է դուրս հանել Մալիի տարածքից «Ալ-Քաիդան» մահմեդական Մահրեբի երկրներում» ծայրահեղական խմբավորման անդամներին, թմրանյութ վաճառողներին և մարդկանց առևանգողներին:
«Մենք նախընտրում ենք խաղաղությունը, բայց եթե պատերազմը միակ ելքն է, ապա մենք կդիմենք դրան մեր բանակի օգնությամբ»,- ասել է Մալիի առաջնորդը:
Հիշեցնենք, որ մարտին Մալիի գրեթե ամբողջ հյուսիսը հայտնվել էր «Ազավադի ազատագրման համար ազգային շարժման» ձեռքում:
