Եվրամիությունը չի մասնակցելու Սերբիայի կուսակցական պայքարին, բայց Բրյուսելը հույս ունի, որ երկրի ապագա ղեկավարությունը մայիսի 6-ի ընտրություններից հետո կտրամադրվի եվրաինտեգրացիային: Այս մասին հայտարարել է Կարնեգիի եվրոպական կենտրոն հրավիրված հետազոտող Շտեֆան Լենը:
Սերբիայում մայիսի 6-ին տեղի կունենան նախագահական, խորհրդարանական և տեղական իշխանությունների ընտրություններ:
Նախընտրական պայքարում գլխավոր հակառակորդներ են հանդիսանում Դեմոկրատական կուսակցության առաջնորդ Բորիս Տադիչը, որը անցած շաբաթ հեռացավ նախագահի պաշտոնից, և Սերբական առաջադիմական կուսակցության ղեկավար Թոմիսլավ Նիկոլիչը: Faktor plus ընկերության անցկացրած վերջին սոցհարցումների հիման վրա՝ Տադիչին են նախընտրում հարցվածների 35,8%-ը, իսկ Նիկոլիչին` 35,7%-ը:
Ընտրողները ակնհայտ առավելություն են տալիս երկու կուսակցություններին էլ` Դեմոկրատական կուսակցությանը` 29,4%, և Սերբական առաջադիմական կուսակցությանը` 33,4%:
Երկու քաղաքական գործիչներն էլ իրենց քաղաքականության առաջին խնդիրը համարում են Սերբիայի մուտքը Եվրամիություն:
Բրյուսելը հույս ունի, որ ընտրություններից հետո Սերբիայի նախագահն ու իշխանությունները կկենտրոնանան եվրաինտեգրման հարցերի վրա: