Google-ը ներկայացրել է Google Currents (ռուսալեզու թարգմանություններում՝ «Google Մեդիա») բջջային հավելվածի նոր տարբերակը: Այս մասին նշված է ընկերության բոլգում:
Եթե ավելի վաղ «Google Մեդիան» հասանելի էր միայն ԱՄՆ-ում ու Մեծ Բրիտանիայում, ապա այժմ այն գործում է աշխարհի բոլոր երկրներում, որտեղ գործում են App Store ու Google Play խանութները:
Ծրագրում հայտնվել է ներկառուցված «թարգմանիչ», որը գիտի 38 լեզու: Նրա օգնությամբ օգտատերերը կկարողանան հոդվածներ կարդալ իրենց չիմացած լեզուներով: Բացի դրանից` Google-ը հավելվածի մեջ ավելացրել է «դինամիկ սինխրոնիզացիայի» ֆունկցիան: Երբ օգտատերը բացում է հրատարակության էջը, նոր նյութերը բեռնվում են ավտոմատացված եղանակով:
Բոլոր նյութերը դասավորվում են «ամսագրային» տեսքով` բեռնվում է տեքստը, լուսանկարները, տեսահոլովակներն ու աուդիոձայնագրությունները: Հավելվածը լույս է տեսել դեկտեմբերին iOS-ի ու Android-ի համար, այդ ժամանակ Google-ի գործընկերները 180 հրատարակություններ էին:
Բացի «Google Մեդիայից»` ընկերությունն ունի նաև Google Reader-ի RSS-ագրեգատոր:
