Իլինոյսի համալսարանի գիտնականների հետազոտությունները ցույց են տվել, թե ուղեղի որ հատվածն է պատասխանատու մարդու մտավոր ունակությունների համար: Դրանք են ճակատային մասն ու ձախ ականջին հարող հատվածը: Լուսանկարներում այդ հատվածները պատկերված են կապույտով և կանաչով:
Գիտնականները քարտեզավորել են ուղեղը՝ դրանում գունապատկերելով այն հատվածները, որոնք լսում են, ընկալում, հիշում: Գիտնականները ուսումնասիրել են, թե այդ հատվածներն ինչպես են համատեղ աշխատում՝ մարդուն տալով խելամտություն:
Գիտնականները հետազոտել են վիետնամցի 182 վետերանի, որոնք ունեցել են գանգի վնասվածնքներ: Հետազոտողները սկանավորել են նրանց ուղեղները, ապա բազմաբնույթ թեստեր անցկացրել:
Արդյունքները ի մի բերելով՝ գիտնականները ուղեղը բաժանել են 3000 եռաչափ հատվածների: Փորձը կրկնել են առողջ մարդկանց հետ՝ համեմատելով հատվածների ճանաչողական ունակությունները: Ի վերջո, նրանց հաջողվել է պարզել, թե կոնկրետ որ հատվածներն են պատասխանատու բանականության կերտման համար: Հետազոտողները եկել են այն եզրահանգման, որ մարդու մտավոր ունակությունները պայմանավորված են ուղեղի կողմից՝ տեսողական, լսողական և խոսակցական գործընթացներից ստացված տեղեկությունների համակցմամբ: