Մանչեսթերի ցուցահանդեսում կներկայացվի արքայազն Ուիլյամի արտասովոր պատկերը: Ապագա թագավորի 6 մետրանոց նկարը ստեղծվել է 3000 կտոր մատուտակի արմատներից: Դրա ստեղծման վրա 4 նկարիչ ծախսել են 5 ժամ:
Ինչպես հաղորդում է MIGnews-ը, նկարի ստեղծման գաղափարը և իրագործումը պատկանում է քաղցրավենիքներ արտադրող ֆիննական մի ընկերության, որը նման ձևով որոշել է նշել Քեմբրիջի դքսի 30-ամյակը:
Ընկերությունը, որը նույնպես այս տարի իր 30-ամյակն է նշում, այժմ պատրաստվում է շրջանակի մեջ տեղադրված նկարն ուղարկել հենց Ուիլյամին:
«Դա այնքան հետաքրքիր նախագիծ էր: Մենք արքայազն Ուիլյամի մեծ երկրպագուներն ենք, և դժվար է հավատալ, որ նա շուտով դառնում է 30 տարեկան: Մենք այնքան հիանալի մեկնաբանություններ ունեինք անցորդների կողմից, ուստի հույս ունենք, որ կտավը դուր կգա նաև արքայազնին»,- ասել է կտավի նկարիչներից մեկը՝ Ջեյն Չավես Դոուսոնը:
