«Հավաստի աղբյուրներից հայտնի դարձավ, որ այս օրերին ընտրատարածքային և տեղամասային ընտրական հանձնաժողովներում անդամներ նշանակելու հարցում լուրջ խնդիրների առաջ են կանգնած ՕԵԿ-ն ու «Ժառանգություն»-ը,- գրում է «Ժողովուրդ»-ը և հավելում.
«Նրանք, ինչպես հայտնի է դարձել «Ժողովուրդ»-ին, հազիվ կարողացել են լրացնել հանձնաժողովների 2/3-ը, իսկ մնացած մասը մնացել է բաց. արդյունքում, օրինակ, ՕԵԿ-ն իր տեղերը տալիս է ՀՀԿ-ին: Ուշագրավն այն է, որ 120 հազար կուսակցական ունեցող ՕԵԿ-ն ու բազմահազարանոց «Ժառանգություն»-ն այդպես էլ չեն կարողանում մարդ ճարել:
Աժ պատգամավոր, «Ժառանգություն» կուսակցության թեկնածու Անահիտ Բախշյանը, սակայն, մեզ հետ զրույցում իրենց մասով հերքեց այս լուրը: «Ոչ, ճիշտ չէ»,- կարճ ու կոնկրետ ասել է նա:
ՕԵԿ-ից ևս, բնականաբար, հերքել են լուրը: