Եվրոպայում համակարգչային խաղերի ամենախոշոր թանգարանը բացվում է Բեռլինում,- հաղորդում է նորաբաց Computerspielemuseum կայքը: Թանգարանը գտնվում է արևելյան Բեռլինում՝ նախկին «Վարշավա» սրճարանի տարածքում: Թանգարանը զբաղեցնում է 670 քմ տարածք։ Այստեղ ցուցադրվելու են ավելի քան 16 հազար խաղեր, 2,3 հազար համակարգիչներ և խաղային սարքեր, ինչպես նաև 10 հազար թեմատիկ գրքեր: Թանգարանը բացվում է երկարատև դադարից հետո. 1997-2000 թթ. Բեռլինում կայացել են համակարգչային խաղերի մասին պատմող ցուցահանդեսներ: «Այն ժամանակ մենք ստիպված էինք փակվել, քանզի տարածքը չէր բավականացնում»,- պատմում է թանգարանի ներկայացուցիչ Անդրեաս Լանգեն:
Նոր ցուցահանդեսը պատմում է համակարգչային խաղերի ավելի քան 50-ամյա պատմության մասին, ինտերակտիվ ցուցանմուշները պատկերացում են տալիս IT ոլորտի այս պատմական զարգացման մասին:
Բացի այդ, թանգարանի հաճախորդները կարող են խաղալ բացառիկ խաղեր, ինչի համար տեղադրված է 21 ցուցանմուշ:
Թանգարանում ներկայացված են հազվագյուտ ցուցանմուշներ, ինչպես, օրինակ, ԳԴՀ Poly-Play-ը` իր տեսակով միակը նախկին Արևելյան Գերմանիայում: Խաղը, որը կարելի է խաղալ այս ցուցանմուշի վրա, կոչվում է «Նապաստակ և գայլ»։ Այն առավել հայտնի արևմտյան Pacman խաղի նմանօրինակն է: