Երեկ գործարարների հետ հանդիպման ժամանակ Թուրքիայի էկոնոմիկայի նախարար Ալի Բաբաջանը հայտարարել է, որ անհրաժեշտ է պաշտպանել Թուրքիան «եվրոպական ցանկացած ցնցումից»` չնայած Թուրքիայի տնտեսությունը բավականին լավ վիճակում է:
Նա նաև նշել է, որ վստահությունը իրենց երկրի տնտեսության նկատմամբ շեշտակի աճել է կառավարության ձեռնարկած միջոցների շնորհիվ` ավելացնելով, որ Թուրքիան կայունությամբ և վստահելիությամբ առաջ է անցել եվրոպական շատ երկրների տնտսություններից:
«Այսօր ԵՄ 27 երկրներից 14-ն ավելի ռիսկային տնտեսություն ունեն, քան Թուրքիայինն է: Իտալիան, օրինակ, ավելի շատ պարտքեր է մարում, քան Թուրքիան»,- ավելացրել է Ալի Բաբաջանը:
«Սակայն մենք պետք է շեշտը դնենք այն ուղիների վրա, որ պաշտպանենք ինքներս մեզ այդպիսի (ԵՄ անդամ երկրներում գոյությւն ունեցող տնտեսական խնդիրներից.- 1in.am) ցնցումներից: Դրա համար մենք լուրջ քայլեր ենք ձեռնարկել»: Բաբաջանը մասնավորապես ասել է, որ արտաքին պահուստներն անցած տարի աճել են 28-ից` հասնելով մինչև 85 մլրդ դոլարի: