Սնունդը կարող է լինել շատ վտանգավոր

Աշխարհի առաջավոր հետազոտողներն առայժմ չեն կարողանում հասկանալ, թե ինչու է գենետիկորեն մոդիֆիկացված (ԳՄ) սնունդը, հայտնվելով կենդանի օրգանիզմում, ոչնչացնում այն: Սակայն առայժմ, ռուս գիտնականների կարծիքով, օրգանիզմի վրա դրանց ազդեցությունը չեզոքացնել հնարավոր է միայն մի կերպ` հրաժարվելով դրանց օգտագործումից: Այդ իսկ պատճառով Ռուսաստանում գիտնականներն առաջարկում են ժամանակավորապես կասեցնել գենետիկորեն մոդիֆիկացված բաղադրիչների օգտագործումը պարենային ապրանքներում` նախքան դրանց անվտանգ լինելը լիարժեքորեն ստուգելը:
Ռուսաստանի գիտնականների՝ կենդանիների վրա այս ոլորտում իրականացրած փորձարկումների արդյունքները¸ որոնք ապացուցել էին ԳՄ սննդի վտանգավորությունը¸ համընկել են նաև Ֆրանսիայի¸Ավստրիայի գիտնականների համանման ուսումնասիրությունների հետ: Մասնավորապես, Ֆրանսիայում, ինչ ապացուցվել է ԳՄ եգիպտացորենի վտանգը կաթնասունների համար, անմիջապես արգելվել է դրա արտադրությունն ու վաճառքը: Ինչ վերաբերում է մարդու առողջության վրա ԳՄ սննդի ազդեցությանը` գիտնականներն առայժմ զերծ են մնում մեկնաբանություններից և պատրաստվում են իրականացնել նոր փորձարկումներ¸ սակայն անխուսափելի հետևանքերի արդեն իսկ ամերիկյան գիտնականների մեծ մասն է սպասում: Այս ոլորտում հայաստանյան իրավիճակն ուսումնասիրող «Էկոտապան» ՀԿ-ն համոզված է¸ որ Հայաստանում էլ հետևանքները բավականին սուր են լինելու. «Մեր դաշտավայրերն էլ արդեն լի են ԳՄ բաղադրիչներով¸ և մենք տեղյակ էլ չենք¸ թե այդքան մեծ քանակությամբ Հայաստան ներմուծվող սերմերն ինչ բաղադրություն ունեն»¸- «Առաջին լրատվական»-ի հետ զրույցում նշեց «Էկոտապան»-ի նախագահ Հրանտ Սարգսյանը¸ որի համոզմամբ` մեր հողատարածքներն էլ արդեն որակազրկվել են նույն այդ նյութերի պարունակության պատճառով, և տարեցտարի բերքատվության անկում է նկատվում: