Թիվ 6 ընտրատարածքում ՀՀԿ-ն վարչական, իսկ ԲՀԿ-ն՝ բարեգործության անվան տակ ոչ օրինական ֆինանսական ռեսուրսներ է օգտագործում: «Առաջին լրատվական»-ի հետ զրույցում ասաց նույն ընտրատարածքում մեծամասնական ընտրակարգով պատգամավորության թեկնածու առաջադրված, «Ժառանգություն» կուսակցության պատգամավոր Արմեն Մարտիրոսյանը:
«Ինչպես հայտնի է, Զատիկի օրերին ՀՀԿ-ն ընտրողներին ձու է բաժանել՝ ասում են փչացած ու հետն էլ չներկած: Ինչ վերաբերում է այս օրերին, ապա ընտրակեղծիքների կամ կաշառքների մասին դեռևս որևէ ահազանգ չեմ ստացել: Միաժամանակ, ուզում եմ ուրախացնել, որ այս պահի դրությամբ ծեծուջարդեր չեն եղել: Այս առումով ամեն բան դեռ կոռեկտ է»,- ասաց պատգամավորը:
