«Շիրակի մարգի դատախազ Դավիթ Սարգսյանը վերջին օրերին իր մոտ է կանչում Արթիկի և Մարալիկի տարածաշրջանի գյուղապետերին և հանձնարարում, թե ով քանի ձայն պիտի ապահովի թիվ 36 ընտրատարածքում ՀՀԿ-ի առաջադրած թեկնածուի օգտին»,- գրում է «ՀԺ»-ն և հավելում.
«Այս մասին մեր թղթակցի հետ զրույցում ասել է թիվ 36 ընտրատարածքում մեծամասնական ընտրակարգով պատգամավորության թեկնածու, Հայ ազգային կոնգրեսի անդամ, «Ժողովրդավարական Հայրենիք» կուսակցության նախագահ Պետրոս Մակեյանը: ՀՀԿ-ն թիվ 36-ում առաջադրել է Աժ պատգամավոր Մխիթար Վարագյանին:
«Պարզ է, որ Դավիթ Սարգսյանը կատարում է ՀՀ գլխավոր դատախազ Աղվան Հովսեփյանի հրահանգը, որը փորձում է 5-րդ գումարման Աժ-ում սեփական ստվերային խմբակցությունը ձևավորել: Դ. Սարգսյանը 2008-ին ներքաշված էր նախագահական ընտրությունների գործընթացներում: Հենց նրա «շնորհիվ» համաժողովրդական շարժման տասնյակ ներկայացուցիչներ կալանավորվեցին, հարյուրավորները՝ հալածանքների ենթարկվեցին»,- ասել է Մակեյանը:
«Դատախազության կողմից թիվ 36-ի գյուղապետերին քվեի «պլան» պարտադրելու մասին նախկինում ևս ահազանգեր են եղել»,- հավելում է թերթը: