Ցյուրիխցի փաստաբան Դավիթ Գիբորը դատի է տվել գերմանական Bild-ին՝ Շվեյցարիայի արդարադատության նախարար Զիմոնետտա Զոմերգի նկատմամբ «կեղծ կասկածների» համար: Ավեի վաղ Bild-ը ոստիկանություն էր դիմել` մեղադրելով նախարարին Գերմանիայի քաղաքացիներին ձերբակալելու և հարկերը թաքցնելու հարցում օգնելու մեջ: Նման կասկածների առիթ է դարձել Բեռնում հարկային ոլորտի աշխատակից երեք գերմանացիների ձերբակալության օրդեր տալը։ Վերջիններս մասնակցել են գերմանացի հարկեր չվճարողների մասին տեղեկատվության գնմանը: Հարկերից խուսափողներն իրենց գումարները պահում են Credit Suisse բանկում:
Շվեյցարիայում Bild ամսագրի լրագրող Մատիաս Կլուկերն ապրիլի 3-ին դիմել էր ոստիկանություն: Պարբերականին, ինչպես նաև Գերմանիայում շատերին, զայրացրել էր Բեռնի դատախազության՝ գերմանացիներին տնտեսական լրտեսության մեջ մեղադրելու որոշումը: Գերմանիայում գտնում են, որ նրանք իրենց աշխատանքն են կատարել` բացահայտելով հարկային հանցագործությունները:
Մեղադրելով Զոմերգին` ամսագիրը մեղադրում է Շվեյցարիայի արդարադատության ողջ համակարգը:
Դավիթ Գիբորը նշել է, որ նախարարը ոչ մի կապ չունի օրդերի հետ, որը տրամադրում է դատախազությունը` առանց կառավարության հետ համաձայնեցնելու:
Նշենք, որ այս աղմուկը բարձրացել է այն ժամանակ, երբ գերմանական հարկային մարմինները գնել են Credit Suisse բանկի գերմանացի հաճախորդների անունների ցուցակը:
Գերմանիան և Շվեյցարիան փորձում են համաձայնության գալ հարկերից խուսափողներին բացահայտնելու հարցի շուրջ: Կառավարությունները ցանկանում են համաձայնության գալ, բայց երկու կողմերից էլ խոչընդոտներ կան:
Գերմանիայի ընդդիմությունը գտնում է, որ փաստաթուղթն օրինախախտների համար շատ մեղմ է, իսկ Շվեյցարիան գտնում է, որ նման համաձայնությունը կխախտի երկրի չեզոքությունը: