Ռուսական ВЗГЛЯД թերթի փոխանցմամբ՝ վրացի զինվորականներն այսօր փորձարկել են սեփական արտադրության անօդաչու թռչող սարքը (ԱԹՍ): Այս մասին հայտարարել է Վրաստանի Պաշտպանության նախարարությունը: Վրացական առաջին ԱԹՍ-ի փորձարկմանը ներկա է գտնվել նախագահ Միխեիլ Սաակաշվիլին:
Վրացական ԱԹՍ-ի փորձարկման վայրի մասին ոչինչ չի նշվում: Ժամանակակից տեխնոլոգիաներով կառուցված այդ ԱԹՍ-ն օգտագործվելու է տվյալներ ու ֆոտոնյութեր հավաքելու, պարեկություն ու դիտարկում կատարելու, ռազմական գործողությունների վիճակը գնահատելու համար: Այն կարող է զարգացնել մինչև 160 կմ/ժամ արագություն և մինչև երեք կիլոմետր բարձրության վրա գտնվել 8 ժամ: